Xowolwaallee

Xowolwaallee

Intaloo qalloo magaala

Wooni kee anaaf maalalaa

Yoo nyaattuu uummanni ‘ilaalaa

Sifeeffatte moo dhaamsa jaalalaa.

Yoo sobaan karaa darban yoo galan akkam ta’an

Soballe ittiin oolanii waa garuu eessa bulan

Jalqaba obboo jedhanii akkamiin gurbaa jedhan

Cal’isee firraa haa dhiisuu soba keef natti kolfanii.

Kudhaniif harka na laaltee hadha ammoo kumaaf dhaadatte

Afrikaarraa dhiite seetee bargama bariite seete

Baargamatti hin dhiitu jettee Afrikaf bari’u jettee

Orbiitiin uumaa Rabbiitii Afrikaafille bariiti.

Ganna kumaa fi kennitee kiyya moo dawwaan baay’ifte

Tiyya ammoo womaa sigootu tan waaqaa maaliif keessa sente

Sanyii Heewanii ta’u kee kanumaa maaliif wollaaltee

Woma sii fidde ‘beennaa eennuma kuma jiraatee.

Namni hundi yoona kana akkamiin nama amanaa?

Jaaladhu malee hin amanin duuraanuu numa jedhamaa

Duraanuu numa dhageennaa amantii malee jaalala

Duudduulle yoo itti seennee hundeensaa meerre jaranaa?

♣♣♣♣♣