Oromiyaa

Oromiyaa

Oromiyaa badhaatuu

kennaa waaqa keennaa

Angafittittii cufaa

ta’uu kee si beennaa

Ati haadha teennaa

 hedduu si kabajnaa

Jaalala haadhaatiin

kunoo si jaalannaa.

Jiituu magariituu

si keessa bashaanaa

Horree sirraa yaasnee

dhugnee  sirraa nyaannee

Abdii kee waan qabnuuf

 boonichaan dubbaannee

Ilmaan kee gurraachi,

 diimaa fi magaallille

Abdiin isaanii simaa

hadhaafi borulle.

Oromiyaa bareedduu

 daawwadhu si hinquufu

Himeetuma hinfixu

 akkattiin si jaju

Eebballe itti beennaa

martinuu siif haa tufuu

Ilaa arrabarraa hafi

guddinni kee itti fuffuu

Buqqisuuf kakannee

 waan siif ta’aa gufuu

Ayyoo tiyya badhoo

 tan garaa bal’attu.

Oromiyaa keessaa

 mana tokko tan qabdu

Daawadhe hinfixu

laakka’e hinfixu

Qabeenna mana san keessaa

 ijoollee achi keessaa

Ee jagnoomina isaa

 ee qaroomina isaa

Abbaa worraa isii

nuutille ilmaan isaaniitii

Isille haadha teennaa

Oromiyaa jedhamtii

Booranaa Gujii, Arsii,

 Baale, Harargee ,Shawaa

Karrayyuu ,Jahan Jiillee,

Raayyaa, Gujii wondoo

Wollaga, Iluu abbaa Booraa,

Jimmaa fi Walloo

Nuuti ilmaan Oromooti

 haati teenna Oromiyaa

Ilmille abbaan waamamaa

 nu ilmaan Abbaa Gadaati.

Boorana naanna’ee

ka’eetan daawadha

Ka’ee bareeffadhaa

seenaa Abbaa Gadaa

Gumii Gaayoo taa’ee

labsii dhaggeeffadha

Aannaan loonii dhugaa

 foon re’ee nyaachaa

Gaalalle ilaalla

 Mooyyalee fi Meegga

Areero daawachaa

Aannaan keenna dhugaa

Yaa’a ballootti boqonnaa.

Gujiille daawadhaa,

 Me’ee Bokko deemee

Gumii Bokkoo taa’ee

 labsii dhaggeeffadhaa

Hundee dimookraasi

Sirna Gadaa gaafaadhaa

Gannaalee fi Dawwaa

biyyaan misoonfadhaa

Worqii Laga Dambii

biyyaan guddifadhaa

Damma Booree nyaachaa

Nageelletti boqqadha.

Arsiin keenna asi

isalle daawwanna

Burqaa atileetota

 gandasaanii gaafannaa

Dirree kennaa Rabbii

lafaasaa daawwannaa

Qamadii fi garbuu

aannan hanbuuqqanna

Lafa seenaa dhaqna

Aanole iyyaafanna

Assallaa-Kofale daawwannee

 Shashamanne boqqadha.

Baaleetti gad-qaarina

biyya seenaa qabdu

Biyya goota qabduu

burqaa Oromootaa

Abaaboo yaadannoo

 harkatti qabannaa

Gooticha Oromoo

 general Waqoo Guutuu yaadannaa

Dirree Sheekuseen

 holqa Soof-umar ilaallaa

Laga Waabee guddaa

 misomaaf oolfannaa

Odaa Roobaa jalatti

 waaqayyoo kadhannaa

Dalloomannaa fi Agarfaa

 Roobetti boqqannaa.

Harargee daawannaa

 kootta wol-marfanna

Marartii fi jaalala

 isaanirraa barannaa

Odaa bultum jalatti

 waaqa keenna kadhanna

Lafa seenaa qabdu

 Calanqoo daawwannaa

Ardaa worra gootaa

 kan Elem’oo Qilxuu

Iyyaateen gaaffanna

 arginu yooyyifannaa

Baddeessaa, Ciroo, Haroomayaa

 Dirree dhawatti boqonna.

Shawaa biyya bal’aa

 ilaalee si hinquufuu

Daawadhee si hinfixu

 waan ati magarsitu

Waan ati biqilchitu,

 waan ati garaa qabdu

Odaa Nabee jalatti

waaqa keenna kadhannaa

Hora Arsadee dhaqna

Bishooftuu yom irraanfannaa?

Biyya goota keennaa

 kan Taaddasaa Birruu

Kan Agarii Tulluulle

achuma waan ta’eef

itti dabalannaa

Hawaas laga bal’aa

 misoomaaf oolfannaa

Adaamaa, Amboo, Bushooftuu,

 Jalduu   faa daawwannaa

Handhura biyya teenna

Finfinnee irbaata nyaannaa.

Wallagga daawwadhaa

 sanyii kiyya boonaa

Biyya beekaa dhale

 biyya goota duraa

Kan Abdisaa Aagaa

kan Asteer Gannoo

Karaa naaf iyya’aa

 an qe’eesaanii argaa

Odaa Bulluqi jalatti

waaqayyoo kadhannaa

Nyaata aadaa keennaa

 ancootee faa nyaannaa

Laga Dhedheessaa guddaa

 misoomaaf oolfannaa

Dambii doolloo fi Najjoo

 Gimbiirraan fullaanaa

Hafuura galfannaa

Naqamtetti boqannaa.

Jimma koo dawadhaa

 achi keessa bulaa

Eenyulle hinwollaluu

 Jimma biyya bunaa

Kan gumaachite addunyaaf

 koofii Arabikaa

Bosona biyya jimmaa

keessaasaa daawwannaa

Laga Gibee guddaa

 misoomaaf oolfannaa

Agaaro fi Limmuuti

buna keenna dhugnaa

Magaala bareedduu

Jimmarratti boqonnaa.

Iluu abbaa Booraa

biyya beekaa dhale

Biyyaa Abbaa Gammachiis

 Onesmoos Nasiib

Biyya bareedduu qaraa

kan Bireelle Mahabuuba

Laga keenna Soor

 misoomaaf oolfannaa

Baddallerraa kaanee

 Mattutti boqqonnaa.

Karaa kaabaa kaanee

Walloo faa daawwannaa

Bareedina uumaa

achitti dinqisiifannaa

Tolcha uumaa Rabbii

 gaarreen faa daawwannaa

Bishingaa keennarraa

sinbirroo eegannaa

Sanbateerraa kaanee

 Kamisetti boqonnaa

Afeerraa haaqanaa

 Finfinneerraa qabna.