Eessa jirta yaa dhadhaa?

Eessa jirta yaa dhadhaa?

Dubartiin baranaa

Aannan gurgurattii

Saantima mi’eeffatte

Jabbii isiillee contii[1]

Mi’ii[2] gabatti guurtii

Dhirsa ifiitii hinnaatuu

Qoonqoo faa gossittii

Da’ima ifii dhaltelle

Agabuu oolchitii.

Waan daa’ima guddisaa

Dhadhaa faa dhoorkitii

Yaa dhadhaa eessuma jirtaa?

Hubata si argaa

Karooraan argamtaa

Horii qabaatan malee

Kan qaban kunuunsan malee

Elmanii kuusan malee

Kuusanii raasan malee

Dhadhaanuu ebelee[3]

♣♣♣♣♣

---

[1] .Conuu= Aannan jabbii dhoorganii elmuu

[2] .Mi’ii=aannan ho’a (ayeetuu)

[3] .Ebelee=hin jiru, duwwaa