Du’a Weennii

Du’a Weennii

Mana namaatti hingaltu

Handhuraa[1] tetti galtaa

Ati lafatti hinbaatuu

Muka keetirra utaaltaa

Midhaan namaa hinnyaattuu

Baaluma mukaa faa nyaattaa

Harka namaa hineegattuu

Bahaadhumaan jiraattaa.

Ergaan yoo jiraatte

Yoosuu firaaf himtaa

Mukarra utaaltee

Dhaamsa woliif dabarsitaa

Waan namaa hintuqxuu

Ati cubbuu jibbitaa

Qaamni kee bareedaa

Worra gullee[2] boojitaa

Cubbuu waayii maalii qabdaa

Goguma keetiif duutaa?

♣♣♣♣♣

---

[1] .Handhuura=kennaa dhuunfaa

[2] Gullee=kofiyyaa, ‘cape’