Imimmaan Haadhaa

Imimmaan Haadhaa

Saafoya[1] lafaa, osoo deemnuu karaa

Awaara keessatti, nama kufee jira

Eennu! Eennu! Jennee waamne, nutille jajjaraa

Adaa ayyumattuu, asi kufee jira!!!

A-a Aayyoo maal gootanii?

Jechuun akkamiin kufatanii?

Garam deemaa jirtanii?

Aayyoleen jenneenii,

Kan na kuffise, wal-jibba keessan

Wol-jibbitanii, gargar facaatanii

Akka ilmoo buutii, wolirraa dheettanii[2]

Isinuma dahee, nama kudha lamaan

Ilmaan qabdi jedhuu, amma namni anaanii?

Gargar yaatanii, orma fira gootanii

Gadaamessa dhalaa akkanaan na rarraaftanii

Garaa keessaa baatan, na dhukkubsitanii

Halkanii fi guyyaan, ana boochiftanii

Wol hin gaafattanuu, fagoo qubbatanii

An garuu hin obsuu, akkanaan na joorsitanii

Galata haadhaalle, kunoo wollaaltanii

Wolirraa baatanii, ana boochittanii

Ideemsa karaatiin ana ijjeeftaanii?

Jedhan aayyooleen imimmaan coccobsanii

♣♣♣♣♣

---

[1] Soofaya=saafaa, waaree duuba jedhuudha

[2] Dheetuu=dheessuu, baqachuu