Ilkaan Baqe

Ilkaan Baqe

Addeenna ilkaanii

kolfa, dhugaa seyee

Kolfee jala ce’ee

 waan ilkaan addeessaa

Hangangaroo[1] itti feesisee

Baasii guddaa baasee

mana isiitti buusee.

Gurracha irga ishii

 bareedina seyee

Adaa hadhaa[2] onneetti

irga isiirratti mudhe[3]

Bofa heewwanii kaanitti

 isi’iin michoomee

Hadhaa itti biifee

 irga gurraachessee!

Gurraachumma irgaa

 bareedina seyee

Si jaaladha jedheen

cabbiifi kobiraan.

Addeenni ilkaanii

 adaa cabbii roobaati

Gurraachummaan irgaa

 hadhaa bofa kobiraati.

Adoo cabbiin baqee

 lolaan na hin fudhatin

Adoo bofni aaree

 hadhaa hin faacaasin

Aninuu beekadhee

 baqadhe duraanii

♣♣♣♣♣

---

[1] Hangaroo=muka rigaati. Mukni kun Gujii fi Booranatti muka rigaa jaallatamaadha.

[2] .Hadhaa=suummii bofaa

[3] .Mudhe=biqil,late, biyyee bahe