Komii Da’imaa!

Komii Da’imaa!

Abbayyoon duulaaf bahee

 manatti hin deebinee

Aayyoon eegde eegdee

 turiisa dadhabdee

Guneessa[1] ambaadhaa[2]

 manatti galfattee

Abbaan kiyya baanaan

 analle irraanfatee

Ijoollee guneessaatiif

 kunuunsa kennitee

Ana achi qabde,

 erga guneessicha woliin,

Wolii galtee.

Qabeenni kan abbaatii

 kan ittiin jiraatan

Aayyoon itti heerumtee

 guneessi itti galee

Ijoollee dhallaan

 ana achi qabanii

Nama silaa angafaa

 maandhaa[3] taasisanii

Gaafa abbaan gale

 naaf deebi’itti angafummaan?

Abbaa si komadhuu;

lakkii sikomadhuu

Aayyoo si komadhaa;

 lakkii si komadhuu

Hayyuu sitti himadhuu,

 eeyyee haa himadhuu

Dubbiin tun na dhibdeertii

            Seeraan naan qoradhu!    

♣♣♣♣♣

---

[1] .Guneessa=dhiira fuudha malee hafe, dubartiif ammoo haftuu (bultuu) jennaan jechuudha.

[2] .Ambaa= orma, alagaa

[3] . Maandhaa=quxusuu, kan boodarra (duubarra) dhalate jechuudha