Lansa

Lansa 

Hiriyaa lansa[1] dhugaa kiyya

Garuu maal godhaanii motii, garuu

Amanee furtuu si kennee

Mana kiyya na duuba seentee

Findiddee[2] bultii na diigdee

Ta biraa womaa na hin goonee

Teeti dubbiin na dhibdee!

Obbolee maanumaa taatee

Waan jennee fi jette wallaaltee, deebitee

Waan tufan silaa ilalaanuu

Tan corqoo namaa hin nyaatanu

Rooba keessa mana hin diiganu

Ani abboo tanaaf si hin eeguu

Hujii keef waaqni haa beekuu!

Yoo dhossaan yakkaa hojjatuu

Qorattulle hin jiru seetee, kan of deete[3]

Kan yakkaa narra hojjatee

Si ta’uu keeti yoom beekee

Qorataalle simattuu yaamee

Miidhamulle qaaniin na qabdee

Qabamuu keetiif boodhee![4]

Ati ammoo guyyaa darbuuf

Waan hin darbine maaliif hojjatte, obbolee[5]

Belonnee woliin dheebonne

Fagaannee woliin barannee

Tiruu tokko woluu hin godhannee?

Hundumaaf si’uu ‘shakkinee

Amanee dhisuu dandeenne, kee argee dhaga’ee

♣♣♣♣♣

---

[1] Lansa= hiriyaa, waaila

[2]  Findiguu=diiguu=finqolchuu

[3] Dedhuu =irranfachuu=dagachuu

[4] Boodhe =bira qaana’uu, itti dhiisuu

[5] Obbolee= obboo= obboleessoo jechuudha.