Dadaltuu

Dadaltuu

Dur loon faa daldaluu

Bunaa fi soodda dabaluu

Amma dubbiin jijjiiramee

Namni horii ta’ee

Maallaqa guddaa baasee

Obbolaan wol-basaasee

Gabatti wal-baasee

Dallaalaa itti yaasee

Hujii namaaf baasee

Bu’aa guddaa buusee.

Namni hin beekne malee

Jiruun daldalli namaa

Lubbuu namaa guusee[1]

Daldalli namaa kun

Boruun dubbii kaasee

Kan daldalee nama nyaatee

Boruun qoricha obaasee

Daldalaa sifaa dhooggee

Diddissee albaase.

♣♣♣♣♣

---

[1]  Guusuu= dhaabuu, ittisuu(ijoollee harma guusan)