Dhugaan Karaa Hin Baddu!

Dhugaan Karaa Hin Baddu!

Dhugaan karaa wollaaltiiree

Daa’imni dhalate,

Harma haadhaatiif bohaa

Bineensi dhaltelle

Mucha haadhaa soqaa

Allaattiin kabbitee

Cuucii guddifattii

Iccittii uumamaa

Dhugaanuu itti himti.

Koromiille suuftee

Sa’a addaan baastii

Saanni rimaa taanaan

Yoom dugda qabattii?

Dhugaan ni salphattii

Yeroodhaaf ni qaldhatti

Seenaa guddaa dabarsitii

Yoomille addaan cittii?

Xurree xiqqoo qabattee

Addabaabayii seenaatti nu geessitii

Kanaafuu, seenaa dhabuu mannaa,

Sanyii dhabuu woyyaa!

♣♣♣♣♣