Gaazexeesittoonni midiyaaleeItoophiyaa adda addaa pilaanii Magaalota Naannawa Finfinneetiif bahe moorman.
Magaalota Naannawa Finfinnee hedduu Oromiyaa harkaa baasuun bulchiinsa naannoo Finfinnee jala galchuuf pilaaniin qophaa’ee jira jechuun erga
odeeffamuu eegalamee bubbulee jira. Soorgoon Pilaanichaa akka jedhutti,
Magaalaan Finfinnee waan guddachaa jirtuuf magaalonni Finfinnee cinaa jiranis
Finfinnee dabaaluudhaan guddachuu qabu. Sookoon pilaanichaa garuu, qonnaan bulaa Oromoorraa lafa saamuufi Oromoota
naannoo Finfinnee jiran aadaa, afaan, eenyummaafi qabeenyaasaa saamuu waan ta’ef,
ilmaan Oromoo miidiyaalee Itoophiyaa gara garaa keessa hojjatan marii magaalaa
Adaamaatti isaaniif dhihate irratti itti dammaquudhaan kaayyoo pilaanichaa
hadheeffatanii mormaniiru.
Gaazexeesitoonni tokko tokko akka jedhanitti, biyya farra aadaa, afaaniifi eenyummaa Oromoo
taate ijaaruun sirrii miti jedhan. Biyyi nuuti ijaaruu qabnus, biyya
aadaa,afaaniifi eenyummaa Oromoo kabajjuufi biyya qabeenya Oromoo hin saamneefi
hin saamsifne ta’uu qabdi jedhan. Gaazexeessitoonni kunniin itti dabaluudhaan, osoo
abbaa mirgaafi aangoo uummata hin mariisisin, karoora waan hunda erga
xumaraniin booda, bifa humnaatiin gadi
buusuun sirrii akka hin taane mootummaa afaan mootummaan dhaga’u afaan
Amaaraatiin akeekkachiisaniiru.
Karoora hirmaannaa uummata malee baasuufi waan gubbaadha
bahe akkuma jiruun osoo uumanni itti hin amanin itti fe’uun godaannisa
taajjabbi kanaan duraa deebisee maddeessa jedhan. Kanaan duras, magaalli guddittiin Oromoo Magaala Finfinnee osoo hin taane Adaamaadha jechuun Oromoota gara Adaamatti
godaansisanii, takka osoo hin turin immoo Magaalli guddoon Oromoo Adaama miti
Finfinneedha jechuun, Oromoota akka
meeshaa fe’uudhaan Finfinnetti galchuun tajjabbii guddaa OPDOf waan ta’eef,
ofirra dhaabatamee yaaduun barbaachisaa akka ta’e gaazexeessitoonniifi
hirmaatonni marichaa akeekkachiisaniiru.
0 Comments:
Post a Comment
Subscribe to Post Comments [Atom]
<< Home