Ofiin Haasawuu

Ofiin Haasawuu

Ka’ee hatuu laati?

Sanyii hattuu hin qabu,

Worra kiyya maqaa baleessa

Maqaa baduu mannaa

Lubbuu baduu woyya.

Ka’ee du’uuree?

Yoo si ijeesalle

Hin du’iniin dhaamsa

Abbaa kiyyaati.

Itti dhiisuuree?

Saanni ibidda dhalteeyyuu

Arraabu hin dhiisnee,

Si dandeessisaaree!

Beekaa ta’uuree?

Beekumsille saree

Huuba hin nyaachisnee?

Gowwaa ta’uuree?

Worri gowwaa qabu

Nageya hin qabuu

Hin dhageenyee!

Goota ta’uuree?

Goonni buqqii dhaa

Iddoo maratti caba!

Ka’ee leenca ta’ee

Of guddisuuree?

An mootiidha ofiin jettaa

Kanniisa maal gootaree!?

Of xiqqeessee mixii ta’uuree?

Eeyyee, of xiqqeessii

Jaalala mi’eessi

Jibba balleessi

Gamtoomii

Mixoomii

Mootom!

♣♣♣♣♣
Caamsaa, 2010 Adaamaa.