Tokkummaafi Lagummaa

Tokkummaafi Lagummaa

Tokkummaan lagumaa

Ol-aantummaa lagummaa

Lallaggeen[1] lagumaa

Lagi hamaan gannumaa

Kan nama nyaatus lagumaa

Kan addaan nu kutelle isuma.

Riqichaa mukaa diigdee

Hurreelle[2] dabalattee

Worra dikkoo[3] dhaqe

Gamatti hambistee

Haadha ilmoorraa kuttee

Ilmee haadha malee bulchitee

Biyyee gabbataa fuutee

Hartee biyyaa baastee

Beelaaf nu kennite.

Lagaan lagummaa beekkannee

Hammeenna lagummaa arginee

Daagaa sibiilaa hojjannee

Biyyoo teenna baraarrannee

Riqicha sibiilaa ijaarrannee

Gamaafi gamanaa wolitti baanee

Laga tuffataa gubbaa yaane!

♣♣♣♣♣

Caamsaa 2010, Adaamaa.

---

[1] Lallaggee= ilaalaa lagaa, ladda lagaa, labuu jechuudha.

[2] Hurree =riqaa (riqicha) hidda ykn gaalee mukaarraa hojjatamee kan namni irra ce’u.

[3] Dikkoo=gabaa