Obbolessa Koo

Obbolessa Koo

Tiruu garaa aayyaa

Kutattuu sanyii dhiiraa

Obboleessa`akka abbaa

Didaa akka mandiidaa

Qajeelaa akka dende’aa

Qotu akka tiraakteraa

Kennu akka galaanaa

Barumsaan barataa

Qonnaan qotee bulaa

Eentu siin qixxaataa

Maaltuu si fakkaataa?

Dhadette biyyee seentee

Jecha namootaa diddee

“Dhiirti buqqiidhaa,

Iddoo maratti cabdi” jettee

Dhaaduun tee yom ooltee?

Dhadattee biyyee seentee

Obbolummaa kiyya dhiistee

Obboleessa biyyee taatee?

♣♣♣♣♣