Goota

Goota

Goonni aduun roobaa

Ho’ifataan  nama hundaa

Hin  turtu guyyaa guutaa

Akkuma dhufteen deemta

Boojjii[1]  namaraa ariitaa

Jaarsa coraa hiikataa

Daa’ima burraaksiistaa

Gootaa, aduu roobaa

Namuu si barbaadaa

Ho’a kee jaalataa

Ati garuu hin turtuu

Maaf akkana jarjartaa?

Goonni lubbuu hin turuu

Maqaan gootaa hin  du’uu

Du’ulle jiraadhaa

Lugni lubbuu turaa

Garuu, osoo jiruu du’a!

♣♣♣♣♣

Adoolessa, 2009 Adaama.

---

[1] Boojjii=qorra, dhaamocha, dilloo, qabbanaafi diilallaa jechuu yoo ta’u, boojiin ammas iddo tokko tokkotti boolee yookiin biyyoo mi’aawaa haya wajjiin  horiin arraabu kan akka amoolee ille ni ta’a.