Ka’ee……

Ka’ee……

Ka’ee dhalaa ta’ee

Dhalee dha ta’uu,?

Mo’oo, dhiraa ta’ee

Ulfaa fi dubbii

 garaa nama kaa’uu?

Ka’ee fuudha moo

Ka’ee heerumaa?

Eeboo bitaa qabaa;

Siinqoo mirgaa qabaa

Dhiira- dhiira hin taanee

Dhalaa-dhalaa hin taanee

Bara akkamiitti harkaa na qabaa?

Taa’ee bara eegee

Barrilleen na eegee

Taa’ee nama eegee

Namilleen na eegee

An baatii jedhaa eegee

Galgalli ni goobane.

Gaafa goobanaa;

Dhiira ta’ee gumaa[1] baadhee

Dhanquu[2] badallaa[3] nyaadhee

Laguu lagaa cabsee

Aadaa keessaa bahuu labsee

Seera biyyaa cabsee

Deebi’ee karoorse

Gaafa natti ibse.

♣♣♣♣♣

---

[1] Gumaa =hiika hedduu  qaba: Gumaa midhaan, gumaa midhaanii fi gumaa lubbuu

[2] Dhanquu=waan dame ykn mataa lama qabu

[3] Badallaa=boqqolloo jechuudha. Akka aadaatti dhiirti asheeta (shawwee) boqqolloo kan mataarraa dhanquu qabu hin nyaattu; dubartii nyaata male.