Gaazeexessaa

Gaazeexessaa

gaazexeessaa sittuu ogeessaa

Eelaa

qubaa tana dhoosi nu keessaa

Rakkoo hawaasaa baasi nu keessaa.

Immaanaa uummataa baattee

Halkanii fi guyyaan kaattee

Argulle hin dhiisuu jette

Fidulle maal godha jette

Kan kee sa’a ibidda dhalte

Dukkanaan qurxummii nyaatte.

Beela ijaa quubsiteertaa

Gurra dheebuu baachee jirtaa

Boqqonnaa nagaatti dhaamtaa

Akka sombaa kaan hojjatta

Lubbuu kee hundaa woreegdaa

Ati biyya kee jaallattaa.

Hiyeessaaf sittuu afaanii

Dureessaaf suma dalleenni

Hujii kee kanaan beekanii

Abdille sirra kaa’anii

Yoo dhiituu fi yoo bariiteen

Dubbadhu hin cal’sinii

Yoo gannaa sittuu riqichaa

Yoo bonaa sittuu gaaddisaa

Yoo nyaata sittuu nyaachisa

Yoo boyaa sittuu boochisa

Afaan kee yoo saansamelle

Fuulaa fi harkan haasawi

Cadhistee dhugaa hin dhossinii

Qarruu aannanii nyaatanii

Dhadhaaf cancala raasanii

Eessumaa dhadhaa baasanii.

Kun hundi yoom si hifachiisa

Kan kee ammoo an maal-dabarsaa

Manni siif laguu hin jiru

Namni siif laguu hin jiru

Bakki siif laguu hin jiru

Namni hundinuu qixa siif tiruu

Dhugaa dabsuun sibira hin jiruu

Siif kennuu waaqayy jiruu

♣♣♣♣♣