Hara Maayaa

Hara Maayaa

Ilaa mee, bishaan haramaayaa!

Maayaa fi maatiin si dhugna

Diqqaa fi guddaan sima qabnaa

Namii fi saanni maayaa siin jirra

Sinbirri ruudaa[1] siif weeddisaa

Daakiyyeen lagaa siif kaakkisaa

Namuu jaalala keetiif shiim’isaa[2]

Bishaan hara-maayaa,

Ati garuu goddee baddaa?

Bishaan hara-maayaa,

Goguuf kutattee

Raachaaf dhumattee

Maayalle dheebotee

Sinbirroon godaantee

Goguu kee hubattee

Bonni nutti dhaadatee!

Ati goddee deemtulle

Nuuti ilman maayaa

Waan si dhiifnu seetee?

Qorannoo taasisneen

Raga arganneerraa

Gariin kee hurkaan deemee

Ol gara duumessaa

Gariin kee gad seenee

Gara bishaan lafa jalaa

Woliin mari’annee

Kunoo walii gallee

Falallee argannee

Akkana woliin jenne.

Kan duumessa ta’eef

Biqiltuu dhaabannaa

Roobaan harkifannaa

Kan biyyee lixellee

Soqnee qonnee baasnaa

Dachii maayaa irratti

Gad-dhangalaasnaa

Roorroo bonaa kana

Yoosan jalaa baana.

♣♣♣♣♣

---

[1] Ruuda=samii

[2] Shim’isuu=shubbisuu