Awwaannisa

Awwaannisa

Si’ii awwaannisa!

Jireenni si gammoojjii

Lafa baala hinqabne,

lafa gara hiqabne

Yoo lalisaa argite

Kan bira hindabarre

Sanyii midhaanii boruu

Tokko kan hinbararree

Hamaa akka keetii

Ijjummaa hinagarre.

Kan dhuftee weeraran

Kan si erge kajeellaa

Ergamni kee balleessaa

Duubi keeti beelaa

Qotatee bulaan yaadda’ee

Yom rafee gad-ciisa.

An namni barate

Waa’ee biqiltoota

Cadhisee hinilaalu

Weerara awwaanisaa

Aara isa ari’u

Ulee itti aarsaa

Yoo socho’uu didee

Midhaan nurraa fixe

Maaya[1] koo itti yaasee

Qorsa itti biifa

♣♣♣♣♣

---

[1] Maaya =uummata bal’aa