Maagaafi Minnii

Maagaa fi Minnii

Eessumaa baatanii

Garaa na seentanii?

Woggaa hedduudhaaf

Na keessa jiraattanii

Garaa na nyaattanii

Nyaata na saamtanii

Dhiiga na xuuxxanii!

Anarra jiraataa

Osumaa jiraattanii

Waan jiraattan seyaa

Ana ijjeesuuf mari’attanii?

Yakkaanuu na biraa

Ana waa balleessee

Aadaa aabboo kiyyaa

Kanin gad dhiise.

Yoona na geetteertii

Yeroon taa’ee aadu

Heexoo[1] fi haanquu[2] aabboon

Qorichaaf fayyadamu

Hidda mara beekaa

Iddoo ‘nni guuramuu

♣♣♣♣♣

---

[1]  Heexoo= muka qorsummaa(qorichummaa) minniitiif(raammoo koosootiif) dhugamu

[2] Haanquu= muka qorsummaa(qorichummaa) minniitiif(raammoo koosootiif) dhugamu